Obxectivo estratéxico: «Facer unha xestión sostible dos recursos e favorecer a economía circular».
As cidades sitúanse como o principal foco de consumo de recursos naturais, así como de xeración de residuos, pois producen entre o 60 e o 80 %, mentres que a eficiencia enerxética está altamente relacionada co propio metabolismo urbano, o que implica a necesidade de conseguir a máxima eficiencia en relación co uso e a xestión de recursos naturais nas cidades.
Pontevedra está camiñando nesta liña nos últimos años, coa promoción e implementación dun modelo de mobilidade baseado na prioridade peonil, ademais de apostar polo concepto de cidade sostible e saudable desde outras áreas do municipio. Polo tanto, avanzarase na consecución dunha cidade sostible e saudable, coa integración de conceptos como o de mobilidade, xestión de residuos, alimentación de proximidade ou economía circular.
Obxectivos específicos:
- Ser máis eficientes enerxeticamente e aforrar enerxía
- Optimizar e reducir o consumo de auga
- Fomentar o ciclo dos materiais
- Reducir os residuos e favorecer a súa reciclaxe.
Actuacións estratéxicas:
- 1. Estratexia Pontevedra Efecto PO2.
- 2. Implementación de comunidades enerxéticas
- 3. Implementación do Plan de compostaxe e xestión sostible de residuos.